SIUNERTAQ

Kalaallisuuliornermik ilinniartitaanerup siunertaraa ilinniartup ilinniarnermini ilisimasassatigut, ineriartortitsinermillu piginnaasaqaleriartornissaa.

Kalaallisuuliornermik ilinniarfimmi tamakkiisumik suliassat piginnaaneqarluarluni namminersorlunilu sulisinnaalernissaanut.

Aammattaaq anguniagaavoq ilinniartup/ sungiusartup nutaaliornermik naleqqussaanernillu aallussisinnaalernissaa misilittagaqalernissaalu, taamatullu pilersitsisinnaassuseqarnermi aallarniisinnaassuseqarnermillu inerisarnissaa.

Kalaallisuuliortunngorniarluni ilinnarnermut tunuliaqutaavoq nunatsinni kalaallisuuliornermik piginnaaneqartumik pisariaqartitsisoqarnera, piorsarsimassutikkut eriagisassat tammatsaaliornisaa aammalu tunngaviusumiit ineriartortitsinissamik siunnerfeqarnissaq.